Sabunçu rayonunda ticarət mərkəzində yanğın baş verib.

Fövqəladə Hallar Nazirliyindən verilən məlumata görə, Bakı şəhəri, Sabunçu rayonunda vətəndaşa məxsus ümumi sahəsi 4000 m2 olan “BİG” Store ticarət mərkəzinin 300 m2 sahəsi yanmışdır. Yüksək temperaturdan tavan 1050 m2 sahədə dağılmışdır.

Hadisə zamanı yaşayış binasından 90 nəfər sakin (30 nəfər uşaq, 60 nəfər sakin) yanğınsöndürənlər tərəfindən təhlükəsiz yerə təxliyə olunmuş, onlardan 10 nəfəri tüstüdən zəhərlənmə diaqnozu ilə təcili yardım tərəfindən Toksikologiya şöbəsinə aparılmışlar.

Ticarət mərkəzinin qalan hissəsi və mənzillər yanğından mühafizə olunmuşdur. Yanğın saat 09:43-də yanğınsöndürənlər tərəfindən söndürülmüşdür.

Azadlıq.az