17:24

Qoşunların təmas xəttində guya Silahlı Qüvvələrimizin bölmələri tərəfindən təxribat törədilməsi barədə Ermənistan kütləvi informasiya vasitələrinin yaydığı məlumatlar həqiqətə uyğun deyil və dezinformasiya xarakteri daşıyır.

Azadliq.az Azərbaycan Müdafiə Nazirliyinin saytına istinadən bildirir ki, martın 19-da cəbhədə baş vermiş döyüş toqquşması nəticəsində müdafiənin ön xəttində yerləşən əsgər və zabitlərimiz düşmənə ağır zərbə vuraraq 20-dək hərbi qulluqçusunu məhv edib və yaralayıblar.

Ermənistanın Müdafiə Nazirliyi cəbhədə ölən əsgərlərin analarının ölkənin hərbi-siyasi rəhbərliyinə qarşı qəzəbinin artmasından ehtiyat edərək uğursuz hərbi əməliyyatları və itkilərinin sayı barədə məlumatları qəsdən gizlədir, xalqın fikrini yayındırmağa çalışırlar.

Silahlı Qüvvələrimizin tank bölmələrinin heyətləri qarşısında çıxış edən müdafiə naziri general-polkovnik Zakir Həsənov ermənilərin son vaxtlar cəbhədə vəziyyəti gərginləşdirmək məqsədilə törətdikləri təxribatlara cavab olaraq bildirib ki, düşmən birmənalı olaraq anlamalıdır ki, o, özgə torpağına soxulub və sağ-salamat qalmasının yeganə yolu işğal olunmuş Azərbaycan ərazilərini tezliklə və birdəfəlik tərk etməsidir. Əks təqdirdə düşmənin cəbhədəki hər bir hərəkətinin qarşısı hərbi qulluqçılarımız tərəfindən daha amansız alınacaq, vurulacaq zərbə isə ölümcül olacaqdır.

Müdafiə Nazirliyi bildirir ki, cəbhədəki döyüş toqquşması barədə təsdiqedici materiallar əlavə olaraq təqdim ediləcəkdir.

———
17:14

Azərbaycan və Ermənistan qoşunlarının təmas xəttində 3 erməni hərbi qulluqçu ölüb, daha 4 əsgər yaralanıb. Bu barədə Trend Ermənistan mətbuatına istinadən məlumat verir.

Ölən hərbi qulluqçular 1996-cı il təvəllüdlü Akop Qaqikoviç Xaçatryan, 1995-ci il təvəllüdlü Eduard Qaqikoviç Ayrapetyan və 1995-ci il təvəllüdlü Arşak Karenoviç Arutyunyandır.

———
16:12

Azərbaycan və Ermənistan qoşunlarının təmas xəttində 3 erməni hərbçi ölüb.

Bu barədə Trend Ermənistan mətbuatına istinadən məlumat verir.
Azadliq.az