İkinci devalvasiyadan sonra ölkədə dollar böhranı davam edir. Bakıdakı valyutadəyişmə məntəqələri dollar satmaqdan imtina edirlər.
Onlar Mərkəzi Bank tərəfindən dollar verilmədiyini iddia edirlər.
“Qara bazar”da isə dollar artıq 2 manata satılmaqdadır. Artıq 28 may civarında fəaliyyət göstərən “qara bazar”çılar birinci gündən etibarən dolların 2 manatdan baha olacağını bildirərək, qiyməti 1.57-dən 2.00 manata qaldırıblar.
Mərkəzi Bankdan isə hər zaman olduğu kimi məsələyə münasibət öyrənmək mümkün olmadı. /Yenicag.az