[r32]
xeber –

Futbol üzrə Norveç çempionatı ləğv edilib.  

“Report” xəbər verir ki, bu barədə Norveç Futbol Federasiyası qərar çıxarıb.

Səbəb kimi koronavirus pandemiyası göstərilib. Qurumun prezidenti Terye Svendsen bildirib ki, 30 turluq mübarizənin qalan 14 turluq hissəsini payız ayında sıx qrafiklə keçirmək mümkün deyil. Bu səbəbdən, 2020-ci ilin sonuna kimi liqa oyunları olmayacaq və çempion elan edilməyəcək. 

Əvəzində qadınların çempionatının davam etdirilməsi qərara alınıb. 

Qeyd edək ki, “Qarabağ” UEFA Çempionlar Liqasının III təsnifat mərhələsində Norveçin “Molde” klubu ilə üz-üzə gələcək. Qarşılaşma sentyabrın 16-da Kiprdəki “AEK Arena”da keçiriləcək. 

Püşkün nəticəsinə əsasən, görüş Bakıda keçirilməli idi. Lakin qonaq komandanın oyunçuları ölkələrinə qayıdanda 10 gün müddətinə karantinə alınacaqları üçün UEFA matçın yerini dəyişməyə məcbur olub. 

mənbə :
Report.az