[r32]
“Lotu Quli”ni öldürən öz adamı olub…
Azərbaycanlı “qanuni oğru” Nadir Səlifovun Türkiyənin Antalya şəhərində qətlə yetirilməzdən dəqiqələr öncə çəkilən videosu yayılıb.

Azadlıq.az Bakupost-a istinadən bildirir ki, videonu “Lotu Quli”nin öldürülməsində əsas şübhəli – “Xan Əhmədlinski” ləqəbli kriminal avtoritet çəkib.

“Xan” son zamanlar “Quli”nin öz təşəbbüsü ilə onun yaxın əhatəsinə daxil olmuşdu. Videodan da görünür ki, əhatələrində başqa heç kim yoxdur. “Quli” idman geyimində, öndə gedir, “Xan” isə arxada video çəkir.

“Quli”ni başından güllələyərək öldürüb, hadisə yerindən qaçan “Xan Əhmədlinski”nin polis tərəfindən saxlanıldığı bildirilir.