[r32]
Düşmənə qarşı görülən sərt cəza tədbirləri nəticəsində iyulun 13-ü günün ikinci yarısında Ermənistan silahlı qüvvələrinin atəş mövqeləri, kəşfiyyat bölməsinin radiolokasiya stansiyası, hərbi avtomobil texnikası üçün saxlanc, tank, zirehli transportyor, 20 nəfərdən çox şəxsi heyəti, tabor qərargahı və hərbi infrastrukturu bölmələrimizin dəqiq atəşi ilə darmadağın edilib.

“AzPolitika” xəbər verir ki, Azərbaycan Müdafiə Nazirliyinin cəbhədəki vəziyyətə dair ən son açıqlamasında bu barədə xəbər verilir. Nazirlik açıqlamaya yeni videogörüntüləri də əlavə edib.

“Qarşı tərəf itkilərini gizlətməklə ictimaiyyətini aldatmağa davam edir”, – MN-in açıqlamasında bildirilir.

Ordumuzun bugünkü qəhrəmanlığına dair görüntüləri təqdim edirik: