00:25 xeber – Gecə saatlarında Xaçmazın Sibiroba kəndində ibtidai məktəbdə yanğın baş verib.

Azadlıq.az xəbər verir ki, anspress-in məlumatına görə, yanğın nəticəsində məktəbin 24 kv metr sahəsi olan bir sinif otağı tamamilə yanıb. Yanğın əsasən otağın tavan hissəsini alovlandırıb.

Hadisə yerinə saat 21:54-də FHN-nin Xaçmaz Dövlət Yanğından Mühafizə hissəsinin 2 yanğın söndürən avtomobili və canlı qüvvəsi cəlb olunub. Lakin yanğınsöndürənlər gələnədək kənd sakinləri yanğının digər sinif otaqlarına keçməsinə imkan verməyərək alovu ram edə bilib.

FHN-nin Xaçmaz Dövlət Yanğından Mühafizə hissəsinin nümayəndələri köhnə məktəbdə qaz olmadığını bildirərək, yanğının qısa qapanma nəticəsində baş verdiyini istisna etməyib. Sabah yanğının hansı səbəbdən baş verdiyi araşdırılaraq təyin ediləcək.

Xaçmaz təhsil şöbəsinin müdiri Mədinə Nürmməmədova səhər tezdən əməkdaşlarini hadisə yerinə yollayaraq yanğın nəticəsində məktəbə dəyən zərərin hesablanacağını bildirib. “El gücü, sel gücü” nəticəsində böyük fəlakətin qarşısı vaxtında alınıb.

Hadisə yerindən fotolar:

mənbə :
anspress