Qurumun mətbuat katibi Stefan Dyüjarrik bu barədə keçirilən brifinqdə məlumat verib. O, tərəfləri istənilən hərbi fəaliyyətdən yayınmağa və vəziyyəti normallaşdırmaq, gələcəkdə baş verəcək zorakılığın qarşısını almağa çağırıb.

Mətbuat katibi deyib: “BMT-nin baş katibi 2017-ci ilin 22 iyun tarixində səsləndirdiyi bəyanatında deyir ki, təhlükəsizlik vəziyyətinin pisləşməsinə və eyni zamanda bu yaxınlarda cəbhə xəttində atəşkəsin pozulmasına görə narahatıq”.

Stefan əlavə edib ki, Minsk qrupunun həmsədrlərinin 4 iyul tarixində Füzuli rayonu Alxanlı kəndində dinc sakinlərin qətlə yetirilməsi ilə bağlı bəyanatlarını da dəstəkləyirik.

O, vurğulayıb ki, danışıqlar masasına qayıtmaq münaqişənin yeganə həll yoludur.