04.02.2015 / 04:59 xeber –

İordaniya hökuməti İŞİD silahlılarının iordaniyalı pilot Muaz əl Kasasbehi edam etməsinə cavab olaraq yaxın saatlarda İŞİD-lə əlaqəli olan 6 terrorçunu edam edəcəyini açıqlayıb.

Azadliq.az-ın verdiyi xəbərə görə, Sky News Arabia telekanalının məlumatına əsasən, edam ediləcək şəxslər arasında İŞİD-in bir müddət əvvəl girovla dəyişməyi tələb etdiyi Səcidə ər Rişauyinin də olduğu bildirilir.

Qeyd edək ki,  İŞİD terror qruplaşması əsir götürdüyü iordaniyalı pilot Muat əl Kəsasbehin edam səhnəsini əks etdirən kadrları yayıb. Videoda  girovun silahlılar tərəfinfən diri-diri yandırılması səhnəsi əks olunub.

Şəkildə yer alan İŞİD-in diri diri yandırdığı İordaniyalı pilotdur.