03.02.2016 / 22:32 xeber –

Hollandiyalı futbolçu Naycel De Yonq karyerasını ABŞ-da davam etdirəcək. Apasport.az saytının məlumatına görə, yarımmüdafiəçi bundan sonra MLS liqası klublarından “Los Anceles Qalaksi”nin şərəfini qoruyacaq.

Bu barədə klubun rəsmi saytı informasiya yayıb. Bildirilib ki, “portağallar”la iki dəfə dünya çempionatında iştirak etmiş, karyerası ərzində “Milan” və “Mançester Siti” kimi klublarda oynamış De Yonq okeanın o tayında çıxış edəcək.

Müqavilənin müddəti və maddi detalları haqqında isə heç bir məlumat yoxdu.

Qeyd edək ki, De Yonqdan əvvəl avropalı ulduzlardan Covinko, Stiven Cerard, Dos Santos, Robbi Kin, Didye Droqba, Klint Dempsi, David Vilya, Andrea Pirlo, Frenk Lampard, Obafemi Martins, Kaka, Jozi Altidore da karyeralarını davam etdirmək üçün ABŞ üz tutublar.

mənbə :
lent.az