01.02.2016 / 20:19 xeber –

Lənkəranda 3 nəfərin yaralanması ilə nəticələn  yol-nəqliyyat qəzası baş verib.

APA-nın cənub bürosunun məlumatına görə, hadisə fevralın 1-də saat 19.30 radələrində Lənkəran-Boradigah şosesinin rayonun Viravul kəndi ərazisindən keçən hissəsində qeydə alınıb.

“Merсedes” markalı minik avtomobili ilə “VAZ-2106” markalı minik avtomobili toqquşub.

Güclü zərbədən avtomobillərin sərnişinlərindən biri uşaq olmaqla 3 nəfər müxtəlif dərəcəli bədən xəsarətləri ilə Lənkəran Mərkəzi Rayon Xəstəxanasına yerləşdirilib.

Faktla bağlı Lənkəran Şəhər-Rayon Polis Şöbəsində araşdırmalara başlanıb.

mənbə :
lent.az