19:53 xeber – Bu mövsüm başa çatandan sonra “Bavariya”dan ayrılacağı dəqiqləşən Xosep Qvardiolanın yeni klubu rəsmən bəlli olub.

Azadlıq.az xəbər verir ki, anspress-in məlumatına görə, ispaniyalı gənc çalışdırıcının karyerasını İngiltərədə davam etdirəcəyi artıq dəqiqləşib.

“Mançester Siti”nin baş məşqçi Manuel Pellegrini bu gün keçirdiyi mətbuat konfransında iyunun 30-da klubdan ayrılacağını bildirib. Bu açıqlamadan sonra “Mançester Siti” rəsmiləri yeni baş məşqçisinin adını açıqlayıb.

Klub yeni mövsümdə komandanın sükanı arxasına Xosep Qvardiolanın keçəcəyini elan edib. Mövsümün sonunda “Bavariya”dan ayrılacaq ispan mütəxəssislə 3 illik müqavilə imzalanıb.

Hələ keçən ilin sonlarında bu barədə Almaniya mətbuatı məlumat yaymışdı. Mənbədə tərəflərin bütün məsələlərdə razılığa gəldiyi və yeni mövsümdən etibarən ispaniyalının şəhər təmsilçisini çalışdıracağı qeyd olunurdu.

Almanlar hətta ingilislərin hazırkı məşqçisi Manuel Pelleqrinin mövsüm sonunda müqaviləsinin başa çatmasını və klub rəsmilərinin bu müqaviləni yeniləmək fikrində olmadığını qeyd etmişdi.

Manuel Pelleqrini

Qeyd edək ki, Xosep Qvardiola 2013-cü ildə “Bayern Münhen”in baş məşqçisi olub. Komanda ilə 2 dəfə Almaniya çempionu olub. Almaniya kuboku, UEFA-nın super kuboku və klublar arası Dünya çempionu olub.

mənbə :
anspress