11:50 xeber – Paytaxtda ölümlə nəticələnən yol qəzası baş verib. İki avtomobilin toqquşması nəticəsində maşında olan sərnişin dünyasını dəyişib.

Hüquq-mühafizə orqanlarından ANS PRESS-ə verilən məlumata görə şəhər sakini, 1992-ci il təvəllüdlü Ülvi Novruz oğlu Məmmədlinin idarə etdiyi, 90- GR- 987 dövlət nömrə nişanlı, “VAZ 21-07” markalı avtomobillə Səməd Vurğun küçəsi 96 ünvanında hərəkətdə olan, 1989-cu il təvəllüdlü Ayxan Elxan oğlu Nəsirovun idarə etdiyi, 99- AC- 578 dövlət-nömrə nişanlı “Az-Samand” markalı avtomobil toqquşub.

Qəza nəticəsində hər iki sürücü və “Az-Samand” markalı avtomobildə olan 1991-ci il təvəllüdlü, Araz Zaur oğlu Quluzadə ağır bədən xəsarətləri ilə xəstəxanaya çatdırılıb. Qəza nəticəsində şəxsiyyəti istintaqla müəyyən edilməyən 30-35 yaşlarında kişi isə dünyasını dəyişib.

Faktla bağlı araşdırma aparılır.

İki gün əvvəl də Bakıda qəza baş verib. Beynəlxalq hava limanına gedən yolda “Şevrolet”, “Nissan”, “Opel” və “Fiat Dobla” markalı 4 avtomobilin toqquşması nəticəsində avtomobillərdə olan sərnişinlərdən 2 nəfər ağır bədən xəsarətləri alıb. Onlar vəziyyəti ağır olduğu üçün xəstəxanaya yerləşdiriliblər. Baş vermiş qəza ilə bağlı Heydər Əliyev prospekintindən hava limanı istiqamətinə də olan yolda tıxac yaranıb.

mənbə :
anspress