[r32] 2024-02-15 22:59:27- Xeber –
Türkiyənin “Qalatasaray” klubu UEFA Avropa Liqasının pley-off mərhələsində ilk oyununu keçirib.
“Report”un məlumatına görə, son ölkə çempionu Çexiyanın “Sparta” (Praqa) klubunu qəbul edib.
Qarşılaşma meydan sahiblərinin qələbəsi ilə bitib – 3:2. İstanbul təmsilçisinin heyətində 19-cu dəqiqədə Kerem Demirbay fərqlənib, 61-ci dəqiqədə Ladislav Kreyci avtoqol müəllifi olub. 90+1-ci dəqiqədə Mauro İkardi görüşdə son nöqtəni qoyub.
Qonaqlarda isə 47-ci dəqiqədə Angelo Presiado və 65-ci dəqiqədə Yan Kuçta adını tabloya yazdırıb.
Viktor Nelsson 62-ci dəqiqədə birbaşa qırmızı vərəqə alaraq “sarı-qırmızılar”ı azlıqda qoyub. Praqa klubunda isə 80-ci dəqiqədə Matey Runes ikinci sarı vərəqəni alaraq meydandan qovulub.
Qeyd edək ki, tərəflər arasındakı cavab görüşü fevralın 22-də olacaq.
Bizim WhatsApp kanalımıza abunə olun
[r34]