12.12.2015 / 00:35 xeber –

Dekabrın 11-də Əfqanıstanın paytaxtı Kabildə törədilən terror aktı nəticəsində İspaniya səfirliyini mühafizə edən polis ölüb.

APA-nın “Gazeta.ru”-ya istinadən verdiyi məlumata görə, bu barədə İspaniyanın baş naziri Mariano Rahoy bildirib.

Baş nazir ölənin ailəsinə başsağlığı verib. Rahoy həmçinin qeyd edib ki,  partlayışın hədəfi İspaniya səfirliyi olmayıb: “Terrorçular xarici vətəndaşların qaldığı hoteli partlatmaq istəyib”.

Xatırladaq ki, Kabilin mərkəzində minalanmış avtomobilin partladılması nəticəsində azı 2 nəfər ölüb, 7 nəfər xəsarət alıb.  Partlayışa görə məsuliyyəti "Taliban" hərəkatı öz üzərinə götürüb.

mənbə :
lent.az