08.11.2015 / 22:18 xeber –

Hacıqabulda baş verən yol qəzasında ata və azyaşlı oğulu xəsarət alıb.

APA-nın Mil-Muğan bürosunun məlumatına görə, hadisə Bakı-Qazax yolunun 117-ci kilometrliyində, Hacıqabul şəhəri ərazisində baş verib.

Göyçay rayonu Çayarxı kənd sakini,  1971-ci il təvəllüdlü Məmmədov Pərviz Ağasəf oğlunun idarə etdiyi  VAZ-2107  markalı 10 HN 810 dövlət nömrə nişanlı avtomobil  “PRADO” markalı avtomobillə toqquşub.

Qəza nəticəsində  sürücü çanaq sümüyünün sınığı, döş qəfəsinin əzilməsi diaqnozu ilə Şirvan şəhər xəstəxanasının travmatologiya şöbəsinə yerləşdirilib.

Sürücünün oğlu 2001-ci il təvəllüdlü Ağasəf Məmmədova xəstəxanada ambulator yardım edilib.    

Faktla bağlı Baş Dövlət Yol Polisi araşdırma aparır.

*** 

16:04

Hacıqabulda baş verən yol qəzasında xəsarət alanların kimliyi məlum olub.

APA-nın Mil-Muğan bürosunun məlumatına görə, hadisə bu gün saat 13.45 radələrində Bakı-Qazax yolunun 115-ci kilometrliyində, Hacıqabul şəhəri ərazisində qeydə alınıb.

İmişli şəhər sakini Qarayev Azər Ramin oğlu idarə etdiyi “Mercedes” markalı 30 BF 223 dövlət nömrə nişanlı avtomobil yoldan çıxararaq aşıb.

Qəza nəticəsində bir ailənin 3 üzvü – İmişli rayonunun Mirili kənd sakinləri, 1964-cü il təvəllüdlü Əhmədova Yeganə İsmi qızı qapalı kəllə-beyin travması diaqnozu ilə reanimasiya, onun həyat yoldaşı, 1961-ci il təvəllüdlü Əhmədov Raqub Əhməd oğlu isə travmatologiya şöbəsinə yerləşdirilib. Ailənin daha bir ailə üzvünə isə ambulator yardım göstərilib. Sürücü xəsarət almayıb.

Faktla bağlı Baş Dövlət Yol Polisi İdarəsində araşdırma aparılır.

““`

14:28

Hacıqabulda baş verən yol qəzasında bir ailənin 3 üzvü yaralanıb.

APA-nın Mil-Muğan bürosunun məlumatına görə, hadisə bu gün saat 13.45 radələrində Bakı-Qazax yolunun 115-ci kilometrliyində, Hacıqabul şəhəri ərazisində qeydə alınıb.

İmişli rayon sakininin idarə etdiyi “Mercedes” markalı avtomobili yoldan çıxararaq aşıb.

Qəza nəticəsində bir ailənin 3 üzvü xəsarət alıb. Onlar Şirvan şəhər xəstəxanasına yerləşdiriliblər.

Faktla bağlı Baş Dövlət Yol Polisi İdarəsində araşdırma aparılır.

mənbə :
lent.az