12:37 xeber – Ötən gün axşam saatlarında paytaxtın Yasamal rayonunda Bakı şəhər Baş Polis İdarəsinin qarşısında avtomobil yanıb.

Azadlıq.az xəbər verir ki, anspress-in məlumatına görə, hadisə nəticəsində “Audi” markalı avtomobil yanaraq külə dönüb. Xoşbəxtlikdən hadisə zamanı sürücü xəsarət almayıb.

İlkin ehtimallara görə avtomobilin yanmasının səbəbi mühərrikdə elektrik naqillərinin alışması olub.

Hadisə yerinə FHN və polis əməkdaşları cəlb olunub. Yanğın saat 16:20-də yanğınsöndürənlər tərəfindən söndürülüb. Yaxınlıqdakı digər avtomobillər yanğından mühafizə olunub.

Avtomobilin kimə məxsus olduğu hələlik məlum deyil.

mənbə :
anspress