23:22 xeber – Məşhur aktyor, prodüser, rejissor, müğənni Eddi Mörfi 9-cu dəfə ata olacaq.

Azadlıq.az xəbər verir ki, anspress-in məlumatına görə, məşhur aktyor ata olmağa hazırlaşır. Onun sevgilisi 36 yaşlı Peydj Batçer üçün ilk uşağı, lakin 54 yaşlı E.Mörfi üçün 9-cu olacaq. Model ilə aktyor 4 ildir görüşürlər. Eddi Mörfinin Nikol Mitçel ilə ilk evliliyindən 5 uşağı var. Qaradərili aktyor Mitçeldən boşanandan sonra “Spice Girls” qrupunun üzvü Mel Bi ilə görüşüb. Onların Enjel Ayris adda bir qızı olub. Baxmayaraq ki, əvvəl aktyor qızından imtina edirdi, sonradan DNK testinin nəticələrindən sonra qəbul edib. Aktyorun Palet Maknili adlı xanımdan 2 oğlu var.

Eddi Mörfinin övladları və eks yoldaşı Nikol Mitçel

Eddi Mörfi 1961-ci ildə Bruklinin Buşvik rayonunda anadan olub. Anası Lillian telefon operatoru, atası Çarlz Edvard isə nəqliyyatda polis məmuru, həvəskar aktyor və komik olub. 8 yaşı olanda atasını itirib. Eddi və böyük qardaşı Çarli Ruzveltlə birlikdə Nyu-Yorkda yaşayıblar. Eddinin ögey atasıının adı Vernon Linçem olub. Ögey atası dondurma zavodunda usta vəzifəsində işləyib. Eddi Mörfi kino karyerasına 1975-ci ildə başlayıb. 1982-ci ildə çəkilən “48 Saat” filmi ona ilk uğurunu gətirir.

Eddi Mörfi 2007-ci ildə “Qızıl Qlobus” mükafatına layiq görülüb.

Bir çox məşhurlar Eddi Mörfi kimi qəhraman ata hesab oluna bilərlər. Hollivudun ulduzu Silvester Stalone 5 uşaq atasıdır. Arnold Şvartsenegger Stalonadan geri qalmayaraq onun da 5 övladı var. Britaniyanın əfsanəsi hesab olunan Stinqin 6 uşağı var. Aktyor Kevin Kostner, rejissor Stiven Spilberqin hərəsinin 7 övladları var. Mel Qibsonun 8 uşağı var. “Qəhraman ata”ların arasında “qəhraman ana”da var. Amerikalı aktrisa Mia Ferrounun 13 uşağ anasıdır.

Silvester Stalonanın ailəsi

mənbə :
anspress