22:07 xeber – Böyük Britaniyanın baş naziri Devid Kameron Rusiyaya məxsus A321 sərnişin təyyarəsinin qəzaya uğrama səbəblərindən danışıb.

Azadlıq.az xəbər verir ki, anspress-in məlumatına görə, Britaniya rəsmisi təyyarənin İŞİD terrorçuları tərəfindən partladılması ehtimalının daha real olduğunu deyib.

“Hazırda A321 reysinin partladılması haqqında tam əminlik olmasa da, məhz bunun baş verdiyi daha inandırcı görünür”, – deyən Kemeron qəza səbəblərini məhz belə şərh edib.

O, bu hadisədən sonra təhlükəsizlik məqsədilə Londondan Şarm-əl-Şeyxə bütün uçuşların dayandırıldığını bildirib. Baş nazir bu qərardan təəssüfləndiyini desə də, Britaniya vətəndaşlarının təhlükəsizliyinin hər şeydən üstün olduğunu vurğulayıb.

Devid Kameron – Böyük Britaniyanın baş naziri
Foto: AP

“Xarici turizmdən asılı olan misirlilər Londonun bu qərarından zərər görsə də, Britaniya vətəndaşlarının təhlükəsizliyi mənim üçün hər şeydən üstündür”, – deyən Kameron cümə axşamı Rusiya prezidenti Vladimir Putinə zəng edəcəyini də bildirib.

Misirin Xarici İşlər Nazirliyinin rəsmisi bu qərarın London tərəfindən təkbaşına, Misirlə məsləhətləşmədən qəbul edildiyini bildirib.

Amerika və Britaniya xüsusi xidmət orqanları təyyarənin tərkindəki bombanın partlaması nəticəsində qəzaya uğramasını desələr də, Rusiya ilə Misir bu ehtimalı təkzib ediblər. Misirin prezidenti Abdul Fəttah as-Sisi İŞİD-in təyyarə qəzasına görə məsuliyyəti öz üzərinə götürməsini terroçuların təbliğatı adlandırıb.

Oktaybrın 31-də baş verən və təyyarədəki 224 nəfərin hamısının həlak olduğu həmin qəzadan sonra Britaniya Misirdəki 20 min turistinin təxliyə edilməsi üçün tədbirlər görür.

Sovet və Rusiya hərbi aviasiyası tarixində ən faciəvi qəza hesab edilən bu hadisəyə görə Britaniya KOBRA (“Cabinet Office Briefing Room A”, “COBRA”) fövqəladə komitəsinin iclasını keçirib.

Yalnız fövqəladə hallarda toplanan iclas bundan əvvəl 2010-cu ildə – Yəməndən ABŞ-a göndərilən bağlamada partlayıcı maddə tapılanda və 2007-ci ildə Londonun mərkəzində güclü bombanın tapılıb zərərsizləşdirilməsindən sonra çağırılmışdı.

mənbə :
anspress