04.11.2015 / 22:33 xeber –

İranın ali lideri Ayətullah Xamneyinin  baş  müşaviri Əli Əkbər Vilayəti  İranın Suriyada terrorçularla mübarizədə ABŞ-la əməkdaşlıq etməyəcəyini bəyan edib. APA-nın “RİA Novosti”yə istinadən verdiyi xəbərə görə, bu barədə İran KİV-ləri məlumat yayıb.

“İran ABŞ-la nə birbaşa nə də dolayı əməkdaşlıq etməyəcək”, deyə Vilayəti Tehranda Suriya XİN rəhbərinin müavini Feysal Mekdadla görüşündə bildirib.   

“İran Suriya hökuməti və xalqı ilə müzakirə olunmadan bu ölkə üzrə heç bir təşəbbüsü dəstəkləməyəcək”, deyə  Vilayəti əlavə edib.   

Bundan əvvəl Ağ Ev nümayəndəsi Erik Şults ABŞ-ın Suriya böhranının həlli məsələsində Rusiya və İranla əməkdaşlıq etməyə hazır olduğunu bildirib.  

mənbə :
lent.az