03.11.2015 / 12:31 xeber –

Noyabrın 4-də Bakı və Abşeron yarımadasında hava şəraitinin dəyişkən buludlu olacağı, arabir tutulacağı,  əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumata görə, səhər bəzi yerlərdə zəif duman olacaq, mülayim şimal küləyi gündüz arabir güclənəcək.

Havanın temperaturu gecə 6-9 dərəcə, gündüz 12-16 dərəcə isti olacaq.

Sabah Azərbaycanın rayonlarında hava şəraitinin əsasən yağmursuz keçəcəyi gözlənilir. Səhər bəzi yerlərdə duman olacaq, ayrı-ayrı yerlərdə arabir güclənən qərb küləyi əsəcək.

Havanın temperaturu Aran rayonlarında gecə 2-7 dərəcə, gündüz 12-17 dərəcə, dağlıq rayonlarda gecə 3 dərəcə şaxtadan 2 dərəcəyədək  isti, gündüz 8-13 dərəcə isti olacaq.

Yaxın üç gün ərzində Abşeron yarımadasında meteoloji amillərin mülayim tərəddüdü meteohəssas insanlar üçün əsasən əlverişlidir.

mənbə :
lent.az