16:58 xeber – Azyaşlı qız Leyla Əliyevanın bir neçə ay öncə uşaq evindən övladlığa götürdüyü Əminədir.

Fotolar şərhsiz yerləşdirilib. Onlardan birində L.Əliyevanın oğlu Əminə ilə qəfəsdəki tutuquşları ilə oynayır. Digər fotoda isə Əminə böyük qara itin yanında uşaq arabasındadır.

Lakin hər zamankı kimi fotolarda uşağın üzü görünmür.

L.Əliyevanın oğlu və Əminə

Heydər Əliyev Fondunun icraçı direktoru Anar Ələkbərov yay aylarında verdiyi müsahibədə fondun vitse-prezidenti Leyla Əliyevanın övladlığa götürdüyünü açıqlamışdı:

“Leyla Əliyeva uşaq evində valideyn himayəsindən məhrum olan bir körpə qıza ürəkdən bağlanıb və həmin körpəni övladlığa götürüb. Leyla xanım artıq bu gün yalnız iki əkiz oğlanların deyil, eyni zamanda bir qız anasıdır. Bu gün Leyla xanımla kiçik Əminə arasındakı isti, doğma münasibəti, onların bir-birinə olan məhəbbətini, bağlılığını görüb sevinməmək mümkün deyil. Və bütün ailələrə valideyn ilə övlad arasında belə məhəbbətin və gözəl münasibətin olmasını arzu edirəm”.

Xatırladaq ki, L.Əliyevanın iş adamı, müğənni və bəstəkar Emin Ağalarovla bu il bitən evliliyindən 7 yaşlı Əli və Mikayıl adlı əkiz oğlanları var.

mənbə :
anspress