17:38 xeber – Bakıda ölümlə nəticələnən bədbəxt hadisə baş verib.

Daxili İşlər Nazirliyinin mətbuat xidmətindən ANS PRESS-ə verilən məlumata görə, paytaxtın Babək rayonu ərazisində Culfa rayon sakini Kamil Zeynalov idarə etdiyi “Mercedes” markalı yük avtomobilini arxaya verərkən həmyerlisi Hikmət Novruzlunu vurub. Yaralı aldığı xəsarətlərə görə dərhal Xəstəxanaya yerləşdirilib.

Hikmət Novruzlu xəstəxanada lazımı tibbi yardım göstərilməsinə baxmayaraq orada dünyasını dəyişib.

Faktla bağlı araşdırma aparılır.

Dünən də Bakıda oxşar hadisə baş verib. Bakı şəhər sakini, 1979-cu il təvəllüdlü Babək İsmayılov idarə etdiyi “Kamaz” markalı avtomobili arxaya verərkən 1939-cu il təvəllüdlü Şora Ələsgərovu vurub. 76 yaşlı kişi aldığı xəsarətlərin ağırlığından hadisə yerindəcə ölüb.

Növbəti bədbəxt hadisə isə Şamaxıda qeydə alınıb. Rayonun Məlhəm kənd sakini, 1955-ci il təvəllüdlü Niyaz Namaz oğlu Abdullayev şəxsi traktoru ilə taxıl səpərkən traktor sahədə batıb. 60 yaşlı kişi traktoru torpaqdan çıxarmaq üçün texnikaya qoşulu taxıl səpən aqreqatın üstünə çıxıb. Elə bu zaman traktor qəflətən hərəkət edib və Niyaz Abdullayev aqreqatın altına düşüb. O, aldığı ağır xəsarətlərdən hadisə yerində dünyasını dəyişib.

mənbə :
anspress