15:00 xeber – Ağsu rayonunda qətl hadisəsi baş verib. Kişi öz həmyerlisinə odlu silahdan atəş açaraq qətlə yetirib.

Ağsu rayon Polis İdarəsindən ANS PRESS-ə verilən məlumata görə, Ağsu şəhərində yaşayan 1977-ci il təvəllüdlüTərlan Əzizbala oğlu Baxşıyevlə şəxsi həyətində 1980-ci il təvəllüdlü Rüstəm Şamxal oğlu Osmanov arasında mübahisə yaranıb. Daha sonra mübahisə böyüyüb və Tərlan Baxşıyev münaqişə zəminində tüfənggdən açdığı atəşlə həmyerlisi Rüstəm Osmanova xəsarət yetirib. R.Osmanov aldığı xəsarətlərin ağırlığından hadisə yerində ölüb.

Ağsu rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində T.Baxşıyev tutulub. Hadisəni törədərkən istifadə etdiyi “TOZ-16” markalı tüfəng götürülüb.

Faktla bağlı Ağsu Rayon Prokurorluğu tərəfindən araşdırma aparılır.

Dünən də Lənkəranda silahlı insident yaşanıb. Girdəni kənd sakini, əvvəllər məhkum olunmuş 1973-cü il təvəllüdlü Zahir Fərman oğlu Əsgərov aralarında yaranan şəxsi münasibətlər zəminində həmkəndlisi, 1975-ci il təvəllüdlü Müşfiq Məzahir oğlu Abdullayevə odlu silahdan – avtomatdan atəş açaraq onu qətlə yetirib.

Qətli törədən şəxs daha sonra hadisə yerindən uzaqlaşıb. Hüquq-mühafizə orqanları əməkdaşları apardığı əməliyyat-axtarış nəticəsində qətli törətməkdə şübhəli bilinən Zahir Əsgərov həbs edilərək istintaqa cəlb edilib.

mənbə :
anspress