19.10.2015 / 12:12 xeber –

Görkəmli hərbi xadim, general Səməd bəy Mehmandarovun 160 illik yubileyinin keçirilməsi üçün müdafiə nazirinin əmrinə əsasən Təşkilat Komitəsi yaradılıb. Lent.az-ın nazirliyin saytına istinadən məlumatına görə, Təşkilat Komitəsinin ilk iclasında Silahlı Qüvvələrin birlik, birləşmə, hərbi hissə və xüsusi təyinatlı təhsil müəssisələrində tədbirlərin keçirilməsi ilə bağlı qarşıda duran tapşırıqlar müzakirə edilib.

Təhsil, Mədəniyyət və Turizm Nazirliklərinin təklifləri də nəzərə alınmaqla hazırlanan tədbirlər planına əsasən qarnizonlarda, xüsusi təyinatlı təhsil müəssisələrində, hərbi birlik, birləşmə və hissələrdə, eləcə də ölkənin təhsil və mədəni-maarif ocaqlarında minlərlə hərbi qulluqçu və mülki əhalinin iştirakı ilə elmi-praktik konfrans, yubiley mərasimləri, yarış-müsabiqələri, viktorinalar, səyyar foto sərgilər və müxtəlif tədbirlər keçiriləcək.

Artıq Silahlı Qüvvələrdə ilin sonunadək davam edəcək silsilə tədbirlərə start verilib.

mənbə :
lent.az