12:04 xeber – Bəzi dərmanların tapılmamasına səbəb qablaşdırmanın üzərində qiymətlərin çap edilməsi üçün onların apteklərdən yığılmasıdır.

Azadlıq.az xəbər verir ki, ans tv-nin məlumatına görə, dərman vasitələrinin qiymətlərinin tənzimlənməsi prosesi eyni zamanda apteklərdə bəzi dərman vasitələrinin tapılmamasına da səbəb olur. Tarif Şurasının iyul, avqust aylarında keçirilən iclslarından sonra oktyabrın 6-da keçirilən iclası ilə 1126 dərman vasitəinin də qiyməti aşağı salındı. Bəzi vətəndaşlar qiymətləri tənzimlənən bəzi dərmanların apteklərdə tapa bilmədiklərini deyirlər.

Aptekdə isə bəzi dərman vasitələrinin olmamasını bu cür izah edirlər.

Əczaçı Təranə Allahverdiyeva Tarif Şurasının qərarından sonra dərmanların olmadığını bildirdi. Onların qiymətlərinin üstünə vurulduqdan sonra yenidən satışı həyata keçirirləcəyini açıqladı.

Səhiyyə Nazirliyindən isə bildirdilər ki, Azərbaycanda dərman qıtlığından söhbət gedə bilməz. Sadəcə qiyməti tənzimlənən dərman vasitələrinin yeni qiymətlərinin qablaşdırmanın üzərində çap edilməsi üçün onlar geri yığılıb. Bu müddət ərzində həkim məsləhətilə həmin preparatların əvəzləyicisi istifadə edilə bilər.

mənbə :
anspress