03:35 xeber – Goranboy rayonunun Səfikürd kəndində ölümlə nəticələnən ağır yol-nəqliyyat hadisəsi baş verib. ANS PRESSa-in FHN mətbuat mərkəzinə istinadən verdiyi xəbərə görə, bu barədə Fövqəladə Hallar Nazirliyinin “Böhran Vəziyyətlərində İdarəetmə Mərkəzinə” məlumat daxil olub.
Daxil olmuş məlumata əsasən, rayon mərkəzindən 9 km aralı Səfikürd kəndində vətəndaşlara məxsus “VAZ-2106” və “VAZ-21010” markalı minik avtomobillərinin toqquşması nəticəsində yol-qəza hadisəsi baş verib. Nəticədə “VAZ-2106” markalı minik avtomobilinin sürücüsü 1982-ci il təvəllüdlü Cavadov Yalçın Bəylər oğlu dünyasını dəyişib. Mərhumun cəsədi yanğınsöndürən-xilasedicilər tərəfindən çıxarılaraq aidiyyəti üzrə təhvil verilib.
Əməliyyat saat 22:07-də başa çatıb.
mənbə :
anspress