13.10.2015 / 21:23 xeber –

Bu gün axşam saatlarında Qəndob-Yalama yolunda yolunda ölümlə nəticələnən yol-nəqliyyat hadisəsi baş verib.

APA-nın şimal bürosunun verdiyi məlumata görə, hadisə magistralın 38 km-də qeydə alınıb. “VAZ-21011” markalı avtomobillə  “VAZ-2102” markalı maşının toqquşması nəticəsində “VAZ-21011”-in sürücüsü Cəlal Ağayev ölüb. “VAZ-2102” markalı avtomobildə olan Hulovlu kənd sakinləri 1956 il təvəllüdlü Əsgərov Bibiqulu və 1975-ci il təvəllüdlü  Allahverdiyev Vahid, “VAZ-21011” markalı avtomobildə olan Uzunoba kənd sakini Elnur Kərimov xəsarət alıblar. Onlar müxtəlif bədən xəsarətləri ilə Xaçmaz Mərkəzi Rayon Xəstəxanasına çatdırılıb.

Faktla bağlı BDYP-nin İstintaq və Təhqiqat bölməsində araşdırma aparılır.

mənbə :
lent.az