13.10.2015 / 01:53 xeber –

AVRO-2016-nın seçmə mərhələsində daha 3 qrupun oyunlarına yekun vurulub.

Apasport.az saytının məlumatına görə, baş tutan 9 qarşılaşmada final mərhələsinə daha iki vəsiqənin sahibini müəyyənləşdirməklə yanaşı, qrup üçüncüsü olacaq 3 komandanın da adı bəlli olub.

E qrupunun qarşılaşmaları demək olar ki, formal xarakter daşıyıb. İngiltərənin 1-ci, İsveçrənin 2-ci olduğu “altılıq”da Sloveniya da 3-cü pilləni tutub.

C qrupunda İspaniya 1-ci olduğundan Slovakiya ilə Ukrayna digər iki yer üçün qiyabi mübarizə aparıb. Lüksemburqa qalib gələn Slovakiya 2-ci olaraq birbaşa Fransaya, İspaniyaya yenilən Ukrayna isə 3-cü kimi pley-offa vəsiqə qazanıb.

G qrupunda da qalib bəllidi. Avstriyanın ən yaxşı olduğu “altılıq”da Rusiya və İsveç birbaşa vəsiqə üçün mübarizə aparıb. İsveçdən 2 xal öndə olan şimal qonşularımızı Monteneqro ilə ev oyununda qalib gələrək Avropa Çempionatına birbaşa qatılmaq hüququ qazanıblar. İsveç isə daha bir qarşılaşma oynamalı olacaq.

AVRO-2016-nin seçmə mərhələsi

X tur

C qrupu

Belarus – Makedoniya – 0:0

Lüksemburq – Slovakiya – 2:4

Ukrayna – İspaniya – 0:1

E qrupu

Estoniya – İsveçrə – 0:1

Litva – İngiltərə – 0:3

San-Marino – Sloveniya – 0:2

G qrupu

Avstriya – Lixtenşteyn – 3:0

Rusiya – Monteneqro – 2:0

İsveç – Moldova – 2:0

mənbə :
lent.az