01:33 xeber – İŞİD terror qruplaşmasının lideri Əbu Bəkr əl-Bağdadi İraqın Ənbar əyalətində yerləşən xəstəxanaya yerləşdirilib.

Azadlıq.az xəbər verir ki, anspress-in məlumatına görə, xəstəxana terror qruplaşması tərəfindən mühasirəyə alınıb.

Ötən gün İraqın təhlükəsizlik qüvvələri Əbu Bəkr əl-Bağdadinin öldürüldüyü barədə xəbər verib. Vetilən məlumata görə, İŞİD terror qruplaşmasının lideri Əbu Bəkr əl-Bağdadi Suriya sərhədi yaxınlığında hava hücumu nəticəsində öldürüldüyü qeyd olunub.Məlumata görə, İraqın hava qüvvələri Əbu Bəkr əl-Bağdadini İŞİD terror qruplaşmasının komandirləri ilə görüşə gedərkən bombalayıblar.

Əbu Bəkr əl-Bağdadi

Əbu Bəkr əl-Bağdadi bombalama zamanı terrorçuların lideri ağır yaralanıb. Hadisə zamanı terror qruplaşmasından çoxlu ölən və yaralanan olub. Bağdadinin yanında olan onun üç müavininin – İŞİD-in təbliğatına cavabdeh olan əş-Şişaninin, Əbu Anis əs-Suri və ən yaxşı səhra komandirlərindən biri Abu Said əl-Karbulinin də məhv edilənlər arasında olduğu iddia edilir.

İŞİD-in ələ keçirmək istədiyi ölkələr

Amma Bağdadinin durumu barədə ətraflı məlumat verilmir. Onun öldüyü və ya yaralandığı barədə rəsmi məlumat verilmir.
ABŞ-ın komandanlığı altında koalisiyanın hava zərbələrindən bu yana Bağdadidən xəbər yox idi.

İraq Daxili İşlər Nazirliyi aprel ayında Bağdadinin koalisiyanın raket zərbəsindən ağır yaralandığını bildirmişdi. Lakin bu xəbərdə öz təsdiqini tapmamışdı.

mənbə :
anspress