09:43 xeber – Istanbulda minlərlə insanın iştirakı ilə terrora qarşı etiraz aksiyası keçirilib.

Azadlıq.az xəbər verir ki, anspress-in məlumatına görə ötən gün Ankarada baş verən dəhşətli partlayış nəticəsində 100-ə yaxın insanın ölməsi Türkiyənin iri şəhərlərində etirazlara yol açıb. İstambuldan savayı etiraz dalğası Batman, İzmit, Diyarbəkirdə də qeydə alınıb.

İstambul küçələrinə çıxan on minlərlə aksiya iştirakçısının əllərində hökümətə qarşı plakatlar olub. Aksiyaya toplaşanların təhlükəsizliyini yüzlərlə polis əməkdaşı qoruyub. Diyarbəkirdə isə polis aksiyanı dağıtmaq üçün gözyaşardıcı qazdan istifadə edib.

İstanbulda etiraz aksiyası

Ankarada baş verən terror aktına qarşı çoxsaylı etiraz aksiyaları bir sıra Avropaşəhərlərində də baş tutub.

Franse Press agentliyinin məlumatına görə Parisdə Respublika meydanında keçirilən aksiyaya 1000 yaxın insan qatılıb ki, onların çoxsu kürdlər olub. Aksiyanı Kürdlərin Fransadaki demokratik şurası təşkil edib. Təşkilat nümayəndələri bu “qorxaq və iyrənc cinayəti qətiyyətlə pislədiklərini” bildiriblər.

Daha 400 nəfər Fransanın Strasburq şəhərində küçələrə çıxıb. Marseldə yüzlərlə insanın iştirakı ilə keçuirilən aksiyada isə bir neçə nəfər əllərində “Qatil Ərdoğan” plakatları tutublar.

Türkiyədə terrora qarşı etiraz aksiyaları həmçinin İsveçrənin Sürix şəhərindədə baş tutub. Şəhər mərkəzinə 1000-ə yaxın insan toplaşıb.

Sürixdə etiraz aksiyası

Oktyabrın 10-nu Ankarada mərkəzi dəmiryolu vağzalında ardıcıl olaraq iki partlayış baş verib. Həmin zaman vağzal yaxınlığında “Əmək, sülh, demokratiya” adı altında kürdlərlə anlaşılmazlıq və terrora qarşı keçirilən mitinq iştirakçıları toplaşmışdılar. Nəticə partlayış zamanı 95 nəfər həlak olub 200-dən çox insan yaralanıb.

Türkiyə xüsusi xidmətlərinin məlumatına görə partlayış iki terrorçu-kamikadze tərəfindən həyata keçirilib.

Ölkənin Baş naziri Əhməd Davudoğlu hadisədən sonra verdiyi bəyanatda terrorun təşkilində İŞİD silahlıları, PKK fəallarının və radikal solçuların şübhəli bilindiyi bildirib.

Hücuma görə heç bir qruplaşma məsuliyyəti öz üzərinə götürməyib.

Hadisənin baş verdiyi ərazi

İyulun sonunda Türkiyə hakimiyyəti PKK nümayəndələrinə qarşı geniş əməliyyatlara başlayıb. Ankara və Vaşinqton bu partiyanı terror təşkilatı kimi tanıyır.

Sentyabrın 6-da Türkiyənin Hakkari vilayətində PKK silahlılarının hücümu nəticəsində 16 türk əsgərinin həlak olması sentyabrın 8-də isə öklənin şərqində avtobusun partlaması nəticəsində 14 türk polisinin ölməsi Türkiyəni İraqda ərazisində kürdlərə qarşı geniş əməliyyatlara başlamağa məcbur edib.

mənbə :
anspress