[r32]
Hərbi ekspert Üzeyir Cəfərov deyir ki, ölkələrimiz arasında münasibətlərə zərər vurmaq istəyən qüvvələr olsa da, Belarus Azərbaycana olan səmimi münasibətini saxlayır
2019-05-07T17:11 xeber – Bir müddət əvvəl 10 günlük həbs edilməsi ilə gündəmə gələn, Azərbaycan Kikboksinq Federasiyasının qızlardan ibarət milli komandasının baş məşqçisi Anar Süleymanov Federasiyadan ayrılıb. Bu barədə idmançının özü Sputnik Azərbaycan-a açıqlamasında bildirib.

A.Süleymanov deyib ki, Kikboksinq Federasiyasının prezidenti Adil Əliyev qızlardan ibarət milli komandanın baş məşqçilik postunu ləğv etmək qərarına gəlib: “Rəhbərlik ilə danışdıq və qərar verildi ki, post ləğv olunsun. Qızların hər biri öz şəxsi müəllimi ilə məşq edəcək. Mən də Kikboksinq Federasiyasından getməyə qərar verdim”.

“Bir sözlə, Kikboksinq Federasiyasında qızlardan ibarət milli komandanın baş məşqçisi postu ləğv edildi. İndi də Federasiya rəhbərliyi ilə dostluq münasibətlərim qalmaqdadır. Sadəcə olaraq iş yerimi dəyişmək qərarına gəldim”, – deyə, o əlavə edib.

Məşqçi yeni iş yerini də açıqlayıb: “Bir neçə federasiyadan təklif gəldi, amma Konq-fu Federasiyasını seçdim. Bu gündən etibarən Konq-fu Federasiyasının qızlardan ibarət milli komandasında baş məşqçi kimi fəaliyyətə başlayıram”.

“İnanıram ki, Kikboksinq Federasiyasında qazandığımız uğurları, ən azı, bu idman növündə də təkrarlayacağıq. Hətta daha da yaxşı nəticə göstərə biləcəyik. Bunun üçün istedadlı gənclərimiz də çoxdur”, – deyə A.Süleymanov vurğulayıb.

mənbə :
Sputnik