[r32]

21 Yanvar, 2019  16:33 xeber –  Azərbaycan millisinin futbolçusu Ufuk Budakın formasını geyindiyi Türkiyənin “Boluspor” klubu baş məşqçi Sait Karafırtınalarla vidalaşıb.“Report” I liqada çıxış edən klubun rəsmi saytına istinadən xəbər verir ki, 50 yaşlı mütəxəssisin müqaviləsinə qarşılıqlı razılıq əsasında xitam verilib. Karafırtınalar uğursuz nəticələr səbəbi ilə postunu tərk etməli olub.“Boluspor” 18 turdan sonra 28 xalla 8-ci pillədə qərarlaşıb. Komanda yanvarın 22-də Türkiyə Kubokunun 1/8 final mərhələsinin ilk oyununda “Qalatasaray”ı qəbul edəcək. Bu görüş 6 gün əvvələ nəzərdə tutulsa da, əlverişsiz hava şəraiti səbəbindən təxirə salınıb.“Boluspor”u “Qalatasaray”la oyuna aşağı yaş qrupları üzrə komandaların koordinatoru Cüneyt Karakuş çıxaracaq.Qeyd edək ki, sol cinah müdafiəçisi olan Ufuk Budak cari çempionatda 14 oyuna çıxıb və 1 məhsuldar ötürmə verib. 

mənbə :
Report.az