[r32]
2018-10-18T20:46 xeber – Oktyabrın 17-də İstanbulun Beykoz rayonunda tanınmış iş adamı Mustafa Erkin Karamana qarşı edilən silahlı hücumun videogörüntüsü yayılıb. Sputnik Azərbaycan Türkiyə mətbuatına istinadla bildirir ki, hadisə axşam 20.00 radələrində baş verib.
İş admı iki adamın hücumuna məruz qalıb. Naməlum şəxslər onun avtomobilinə 5 dəfə atəş açıblar. İş adamı iki güllə yarası ilə xəstəxanaya çatdırılıb. 

Hadisədən sonra polis araşdırmaya başlayıb. İş adamının vurulmasında şübhəli bilinən iki nəfər saxlanılıb. Onlardan bir tapança və iki ov tüfəngi götürülüb.Hadisəni törədən A.Ç və M.A.M saxlanılıb. Onlar 1 tapança və 2 ov tüfəngi ilə saat 04.00 sıralarında tutulub.
Hadisənin törədilməsi anı kameralara əks olunub.
Qeyd edək ki, iş adamı 2012-ci ildə Azərbaycanın keçmiş baş nazirinin müşaviri Musa Məmmədovun qızı Günel Məmmədova ilə ailə həyatı qurub.
Qeyd edək ki, iş adamı Mustafa Erkin Karaman 2012-ci ildə Azərbaycan baş nazirinin keçmiş müşaviri Musa Məmmədovun qızı Günel Məmmədova ilə Çırağan Sarayında evlənib. Azərbaycan Respublikası Prezidentinin Müvəkkili Musa Salam oğlu Məmmədov 1992-ci ildə Azərbaycan Respublikası Baş nazirinin müavini təyin edilib. O, həmçinin kənd təsərrüfatı naziri vəzifəsində çalışıb.

Azərbaycan Respublikası Prezidentinin fərdi təqaüdçüsü, Respublikanın əməkdar aqronomu, iqtisad elmləri doktoru, Dövlət mükafatı laureatı, ölkədə aqrar sənaye sahəsində və kənd təsərrüfatının inkişafında böyük xidmətləri olan əmək veteranıdır.

İnam Kərimov Kənd Təsərrüfatı Naziri vəzifəsinə təyin edildikdən sonra onun xahişi ilə təcrübəsindən yararlanmaq qərarı verib. 87 yaşlı Musa Məmmədov hazırda nazirlikdə bitkiçilik və pambıqçılıq sahəsində mütəxəssis kimi çalışır.
Yaxınlarının Unikal.org-a verdiyi məlumata görə, son on ildə Musa Məmmədov iki oğlunu itirib. Bir qızı isə Türkiyədə ailəlidir. Musa Məmmədov müalicələri üçün mütəmadi olaraq Türkiyəyə gedir. Hazırki hadisədən isə xəbəri yoxdur.

mənbə :
Sputnik