[r32]
2018-03-18T14:50 xeber – Fotolardan birində əmirin “Mercedes Benz G-class” markalı Dubai No 1 nömrəli avtomobilinə çox möhkəm kabelin bağlandığı görünür

BAKI, 18 mart — Sputnik. Dubay əmiri (BƏƏ-nin vitse-prezidenti və baş naziri) şeyx Məhəmməd ben Rəşid əl-Maktum maşınları səhrada batmış əcnəbilərə kömək edib. O öz avtomobili ilə quma batmış maşını dartaraq səhradan çıxarıb.

Sputnik Azərbaycan-ın məlumatına görə, turist qadın Hanna Karen Arroyo Twitter-də Dubay əmiri ilə fotolar yerləşdirib və şəkillər BƏƏ mediasında dərc olunub.

“Dostlarım və mən Dubay səhrasında batmışdıq və şeyx Məhəmməd ben Rəşid tərəfindən xilas olunduq” — o oz Twitter-ində yazıb.

Fotolardan birində əmirin “Mercedes Benz G-class” markalı Dubai No 1 nömrəli avtomobilinə çox möhkəm kabelin bağlandığı görünür. Digər şəkildə turistlər xilas edildikdən sonra əmirlə bir yerdədirlər.

mənbə :
Sputnik