23:03 xeber – Prezident İlham Əliyev İlham Əliyev bu gün imzaladığı sərəncamla Azərbaycan Respublikasının 5 fövqəladə və səlahiyyətli səfirini vəzifəsindən geri çağırıb.

Azadlıq.az xəbər verir ki, anspress-in məlumatına görə, Tural Anar oğlu Rzayev Küveytdən, Daşqın Məzi oğlu Şikarov Pakistandan, Emil Zülfüqar oğlu Kərimov Bolqarıstandan, Vaqif İsmayıl oğlu Sadıqov İtaliya, San Marino və Malta səfirliyindən geri çaırıb. Vaqif Sadıqov həmçinin Azərbaycan Respublikasının Birləşmiş Millətlər Təşkilatının Ərzaq və Kənd Təsərrüfatı Təşkilatı, Ümumdünya Ərzaq Proqramı, Kənd Təsərrüfatının İnkişafı üzrə Beynəlxalq Fondu yanında daimi nümayəndəsi vəzifələrindən geri çağırılıb.

Prezident, həmçinin Şahin Şakir oğlu Abdullayevin Azərbaycan Respublikasının Misir Ərəb Respublikasında, eyni zamanda Sudan Respublikasında fövqəladə və səlahiyyətli səfiri, Azərbaycan Respublikasının Ərəb Dövlətləri Liqası yanında daimi müşahidəçisi vəzifələrindən geri çağırılması haqqında sərəncam imzalayıb.

Həmçinin prezident İlham Əliyev bu gün imzaladığı sərəncamla Rəşad Eynəddin oğlu Məmmədov Azərbaycan Respublikasının Qazaxıstan Respublikasında fövqəladə və səlahiyyətli səfiri təyin edilib. Ölkə başçısı həm də Həsən Sultan oğlu Zeynalov Azərbaycan Respublikasının Türkmənistanda fövqəladə və səlahiyyətli səfiri təyin edilməsi barədə sərəncam verib.

mənbə :
anspress