20:17 xeber – Fransada sürət qatarı relslərdən çıxaraq aşıb. Azadlıq.az xəbər verir ki, anspress-in məlumatına görə, fövqəladə hadisə nəticəsində beş nəfər həlak olub.
İlkin məlumatlara görə, hadisə nəticəsində daha 60 nəfər zərər çəkib. Hadisə Fransanın şərqində Strasburq yaxınlığında yerləşən Ekveşem şəhərində baş verib. Bir sıra Fransa nəşrlərinin məlumatına görə, bu, sınaq qatarı olub. Faktla bağlı araşdırmalar aparılır.
Bu, Fransada sutka ərzində baş vermiş ikinci faciədir. Dünən axşam paytaxtı Paris və ətrafında törədilən silsilə partlayışlar və silahlı hücumlar nəticəsində ən azı 153 nəfərin həyatına son qoyub. Gecə saatlarında yaşanan zəncirvari terror aktları paytaxt sakinlərinin təşvişinə səbəb olub. Terrorçuların əlaqələndirilmiş şəkildə həyata keçirdiyi terror aktlarının, partlayış və avtomat silahlarla edilən hücumların əsas hədəfləri “Bataclan” incəsənət mərkəzi və onun konsert zalı, “Kamboca” restoranı, “Le Karilyon” barı, “Les Halz” ticarət mərkəzi, “Bellek Ekip” barı və Fransa və Almaniya arasında futbol üzrə yoldaşlıq matçının keçirildiyi və ölkə başçısı Fransua Ollandın da həmin matçda tamaşaçı qismində iştirak etdiyi “Stad De Fransa” stadionun qarşısı olub.
Ən qanlı hadisə “Batalcan” incəsənət mərkəzində baş verib. Terorçular ətrafda olan bir neçə nəfəri qətlə yetirdikdən sonra konsert zalına daxil olublar və xeyli sayda insanı girov götürüblər. Ölkə rəhbərliyinin göstərişi ilə xüsusi təyinatlı əməliyyat keçirilib, reyddən xəbər tutan intiharçı-terrorçular üzərlərində olan partlayıcı kəməri işə salaraq, 2 güclü partlayış törədiblər. Nəticədə, ən azı 100 nəfərin həlak olduğu bildirilir. Xüsusi təyinatlılar 2 terrorçunu zərərsizləşdiriblər.
Baş vermiş hadisələrlə əlaqədar olaraq, Fransa höküməti ölkədə 3 günlük matəm elan edib.
Hadisə baş verən ərazi xəritədə
Fransada terror nəticəsində ölənlərin sayı çoxaldı (YENİLƏNİB)
“Bataclan”dan dəhşətli mesaj: hamını kəsirlər
Terrorçular Parisdə baş kəsdilər
Girov böhranı bitdi: 118 ölü var
Olland G20-dən imtina etdi (FOTO, VİDEO)
Parisdə ölənlərin sayı 150-ni ötdü (FOTO, VİDEO)
İlham Əliyev başsağlığı verdi
Fransada üç günlük matəm elan edildi
Fransanı qana bulayan səbəblər (FOTO)
mənbə :
anspress