14:20 xeber – “A” qrupunda yer alan qadınlardan ibarət “Lokomotiv” voleybol klubu digər Bakı təmsilçisi olan “Azərreyl”lə qarşılaşacaq.

Azadlıq.az xəbər verir ki, anspress-in məlumatına görə, oyun Azərbaycan Voleybol Mərkəzində baş tutacaq.

İlk turda “Azərreyl” klubu Bakıda Almaniyanın “Ştutqart” klubunu qəbul edib. Oyunda rəqibinə bir set belə hədiyyə etməyən “Azərreyl” matçı 3:0 hesabı ilə qalib başa vurub. ( 25:18, 25:23, 25:18).

“Azərreyl” – “Ştutqart” oyununda çəkilmiş şəkil

“Lokomotiv”ə gəlincə, ilk turda “Loko” səfərdə Kazanın “Dinamo”su ilə üz-üzə gəlib. Təmsilçimiz oyundan ( 1:3) hesabı ilə məğlub ayrılıb və rəqibindən cəmi 1 set qopara bilib. Bu baxımdan “Lokomotiv” – “Azərreyl” görüşünün favoriti sonuncuları saymaq olar.

“E” qrupunda yer alan digər təmsilçimiz “Telekom”u isə səfərdə Türkiyənin “Fənərbaxça” klubu ilə çətin oyun gözləyir. İlk turda “Telekom” Bakıda “İmpel”lə qarşılaşıb ki, oyun təmsilçimiz üçün məğlubiyyətlə nəticələnib ( 0:3). “Fənərbaxça” isə ilk turda səfərdə “Drezdner”lə qarşılaşıb və oyun Türkiyə təmsilçisinin qələbəsi ilə nəticələnib ( 3:1).

mənbə :
anspress