23:39 xeber – Futbol üzrə Türkiyə yığmasının beynəlxalq yoldaşlıq görüşündə qüvvəsini sınayacaq rəqibi bəlli olub.

Azadlıq.az xəbər verir ki, anspress-in məlumatına görə, Fatih Teriminm yetirmələri Yunanıstanla qarşılaşacaq.

Bu barədə Türkiyə Futbol Federasiyasının rəsmi saytı məlumat yayıb. Matçın başlama vaxtı bəlli olmasa da “ay-ulduzlular”ın Yunanıstanla noyabrın 17-də İstanbulda “Başakşəhər Fatih Terim” stadionunda qarşılaşacağı bildirilir.

Türkiyə millisi

İndiyədək Yunanıstan millisi ilə qarşılaşdığı 9 oyunun 6-da qalib gələn türklər, göruşlərin birində yunanlara uduzub daha iki matçı isə bərabər qalıb. Oyun Yunanıstan yığmasına yeni təyin olunan almaniyalı baş məşqçi Mixael Skibbe üçün millidə ilk sınaq olacaq.

“Başakşəhər Fatih Terim” stadionu

2014-ci il iyulun 26-da İstanbulda yerli “Başakşəhər” klubunun ev oyunları üçün nəzərdə tutulan stadionun açılışında Türkiyənin o vaxtkı, baş naziri Rəcəb Tayyib Ərdoğaniştirak etmişdi. Məhz Ərdoğan açılış nitqində stadionun “Başakşəhər Fatih Terim” adlanacağını bildirmişdi.

mənbə :
anspress