22:54 xeber – Lənkəranda qətl hadisəsi törədilib. ANSPRESS-in məlumatına görə, hadisə rayonun Girdəni kəndində, axşam saat 21:00 radələrində baş verib.

Girdəni kənd sakini, 1973-cü il təvəllüdlü Əsgərov Zahir Fərman oğlu şəxsi münasibətlər zəminində tanışı və həmkəndlisi, 1975-ci il təvəllüdlü Abduılayev Müşfiq Məzahir oğlunu bıçaqla döş qəfəsindən vurub.

Müşfiq Abdullayev hadisə yerindəcə keçinib. Mərhumun meyidi daxili və xarici müayinə edilməkdən ötrü məhkəmə tibbi ekzpertiza və pataloji anatomiya birliyinin Lənkəran zona şöbəsinə təhvil verilib. Mərhumun 3 uşaq atası olduğu bildirilir.

Lənkəran rayon polis şöbəsindən verlən məlumata görə, qətli törətməkdə təqsirli bilinən Zahir Əsgərov hələ ki, saxlanılmayıb. Əldə etdiyimiz ilkin məlumata görə, Z.Əsgərov bundan əvvəl də məhkumluq həyatı yaşayıb. Cinayətin motivləri barədə hələlik heç bir məlumat verilmir.

Faktı Lənkəran rayon prakurorluğu araşdırır.

mənbə :
anspress