10.10.2015 / 21:25 xeber –

Qətərin paytaxtı Dohada boks üzrə dünya çempionatı davam edir. Apasport.az saytının məlumatına görə, bu gün yarışda 1/4 final mərhələsinə start verilib.

Boksçularımızdan əvvəlcə Rüfət Hüseynov (49 kq) ukraynalı Dmitri Zamotayevə uduzub – 1:2.

Dünya çempionatının daha bir debütantı Tayfur Əliyev də (56 kq) yarışla 1/4 final mərhələsində vidalaşıb. Milli komandamızın üzvü irlandiyalı Maykl Konlanla görüşdən məğlub ayrılıb – 0:3.

Günorta proqramında rinqə çıxan 3-cü boksçumuz – Lorenzo Sotomayor da uduzub. 64 kq çəki dərəcəsində çıxış edən təmsilçimiz rusiyalı Vitali Dunaytsevlə bacarmayıb.

Nəhayət ki, Abdulqadir Abdullayev (91 kq) azarkeşləri qələbə ilə sevindirib. Boksçumuz 1/4 finalda argentinalı Yamil Peralta ilə dueldən qalib ayrılıb – 3:0. Millimizin üzvü yarımfinalda kubalı Erislandi Savonla üz-üzə gələcək. Həmin görüş sabah axşam proqramında olacaq.

mənbə :
lent.az