20:36 xeber – Bu gün döyüş mövqeyində erməni silahlı birləşmələrinin təxribatının qarşısını alarkən açılan atəş nəticəsində şəhid olan Tural Əhmədovun ölümündən bir il ötür. Şəhidin il dönümü ailəsinin məskunlaşdığı Ağdamın 4 Yol-1 qəsəbəsində baş tutub.

Mərasim şəhidin ailəsinin məskunlaşdığı qəsəbədə baş tutub

Mərasimdə Tural Əhmədovun yaxınları, Müdafiə Nazirliyinin əməkdaşları və döyüş yoldaşları iştirak edib. Komandir heyəti Turalın döyüş meydanında göstərdiyi rəşadəti xüsusi qeyd edib.

Tural Əhmədovun silahdaşları

Mərasimin sonunda vətənin bütövlüyü uğrunda şəhid olan Tural Əhmədov Azərbaycan Respublikası Müdafiə Nazirliyi adından xidmətdə fərqləndiyinə görə III dərəcəli medalla təltif edilib. Medal şəhidin 7 aylıq oğlu balaca Turalın sinəsinə taxılıb.

Hərbi xidmətdə fərqlənməyə görə III dərəcəli medal

“Vətən sağ olsun! Onun oğlu da o gün olsun böyüsün atasının davamçısı olsun.” -deyə şəhid anası Kifayət Əhmədova bildirib.

Tural Əhmədovun anası və üzünü görə bilmədiyi 7 aylıq oğlu

Şəhidin ildönümü mərasimdə iştirak edən döyüş yoldaşları onun intiqamının alınacağına and içiblər.

mənbə :
anspress