[r32]
xeber –

Bakıda 3 gün əvvəl özünü məktəbin üçüncü mərtəbəsindən atan şagirdin ölümü ilə bağlı cinayət işi başlanıb.

Bakı şəhər Prokurorluğundan ONA-ya verilən məlumata görə, faktla bağlı cinayət işi Səbail rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə başlanıb, istintaq hərəkətləri davam etdirilir.

Qeyd edək ki, Bakının Səbail rayonunun 162 saylı orta məktəbinin VIII sinif şagirdi Yelena Hacıyeva aprelin 4-də təhsil aldığı tədris müəssisəsinin 3-cü mərtəbəsindən özünü atıb. O, müxtəlif xəsarətlərlə 1 saylı Şəhər Kliniki Xəstəxanasına çatdırılıb.

Yelena Hacıyeva bu gün səhər saatlarında xəstəxanada dünyasını dəyişib.

Məktəbdən isə şagirdin özünü atmadığı, yıxıldığı bildirilib.

mənbə :
Lent.az