[r32]
12 May, 2018 21:02 xeber – Futbol üzrə Azərbaycan Premyer Liqasında XXVII turun oyunları keçirilib.”Report”un məlumatına görə, 4 oyunun hamısı eyni günə təsadüf edib. Yalnız “Keşlə” – “Qarabağ” matçı daha erkən başlayıb. Qalan 3 oyun isə gümüş və bürünc medalların taleyi baxımından önəmli olub. “Qəbələ” “Sumqayıt”la səfər matçında inamlı qələbə qazanaraq, xallarını 49-a yüksəldib və gümüş medalları təmin edib. İlk qolu 37-ci dəqiqədə Baqali Dabo, ikincisini isə 88-ci dəqiqədə kapitan Cavid Hüseynov vurub. Bununla da Dabo aktivindəki qolların sayını 14-ə çatdıraraq, bombardirlər siyahısında vahid liderliyini davam etdirib. Digər görüşlərin nəticələri də “Sumqayıt” üçün arzulanan olmayıb. “Neftçi” “Səbail”lə görüşdə qələbəyə imza atıb. Qolları 33-cü dəqiqədə Namik Ələskərov, 37-ci dəqiqədə Rəhman Hacıyev, 80-ci dəqiqədə isə Lukas Qomes vurub. “Səbail” 83-cü dəqiqədə Yevgeni Koçukun penalti zərbəsi ilə təsəlli qolunu vurub.İlk yarıda həm də “Səbail”in baş məşqçisi Samir Əliyev hakimi təhqir etdiyi üçün texniki zonadan kənarlaşdırılıb. Bu qələbə sayəsində xallarını 43-ə çatdıran “Neftçi” 3-cü yerə yüksəlib. 23 xala malik “Səbail” isə çempionatı 7-ci pillədə başa vurub. Nəhayət, “Zirə” autsayder “Kəpəz”lə görüşdə çətinliklə də olsa, qələbəyə nail olub. Meydan sahibləri hələ 8-ci dəqiqədə Milan Düriçin meydandan qovulmasından sonra azlıqda qalıblar. Lakin 41-ci dəqiqədə Riçard Qadze hesabı açıb. İlk yarının uzatma dəqiqəsində “Zirə” daha bir zərbə alıb. Bu dəfə təyin olunmuş penaltini “Kəpəz”in kapitanı Şəhriyar Rəhimov dəqiq yerinə yetirib. Lakin 74-cü dəqiqədə Tellur Mütəllimov yenidən yerli komandanı önə çıxarıb. Bundan 5 dəqiqə sonra isə Kamran Abdullazadə qırmızı vərəqə alıb və nəticədə tərəflər oyunu hərəyə 10 futbolçu ilə başa vurublar. 2:1 hesablı qələbə qazanan “Zirə” xallarını 41-ə çatdıraraq, 4-cü pilləyə yüksəlib. 40 xalı olan “Sumqayıt” isə 5-ci pilləyə enib. Bürünc medal və Avropa Liqasına vəsiqə şansı verən 4-cü yerin sahibi son turda “Sumqayıt” – “Zirə” və “Kəpəz” – “Neftçi” matçlarından sonra müəyyənləşəcək. İstənilən halda, “Neftçi” ən azı 4-cü yeri tutacaq. Topaz Premyer LiqasıXXVII tur12 may (şənbə)17:00. “Keşlə” – “Qarabağ” – 3:0 Qollar: Andre Klennon, 4. Pərdis Fərcad-Azad, 8. Slavik Alxasov, 16Hakimlər: Rəşad Əhmədov, Mehman Mahmudov, Namiq Hüseynov, Rəhim HəsənovAFFA nümayəndəsi: Abas HüseynovHakim-inspektor: Xaqani Məmmədov Bakı. “İnter Arena” İlk üç dövrə – 0:1, 0:2, 1:119:00. “Sumqayıt” – “Qəbələ” – 0:2Qol: Baqali Dabo, 37. Cavid Hüseynov, 88Hakimlər: Əliyar Ağayev, Zeynal Zeynalov, Akif Əmirəli, İnqilab MəmmədovAFFA nümayəndəsi: Erkin HüseynovHakim-inspektor: Əhmədağa CabbarovSumqayıt. “Kapital Bank Arena”İlk üç dövrə – 0:1, 0:1, 1:119:00. “Neftçi” – “Səbail” – 3:1Qollar: Namiq Ələsgərov, 33. Rəhman Hacıyev, 37. Lukas Qomes, 80 – Yevgeni Koçuk, 83-penalti iləHakimlər: Rauf Cabbarov, Knyaz Əmiraslanov, Nahid Əliyev, Ziya NəsirovAFFA nümayəndəsi: Sakin MəmmədzadəHakim-inspektor: Məlik HəsənovBakı. “Dalğa Arena” İlk üç dövrə – 0:1, 4:0, 2:019:00. “Zirə” – “Kəpəz” – 2:1Qollar: Riçard Qadze, 41. Tellur Mütəllimov, 74 – Şəhriyar Rəhimov, 45+1 (penalti ilə)Qırmızı vərəqələr: Milan Duriç, 8 – Kamran Abdullazadə, 79Hakimlər: Ramil Diniyev, İsgəndər Əliyev, Elman Kərimov, Vüqar HəsənliAFFA nümayəndəsi: Arif FərəcovHakim-inspektor: Kərim AğayevBakı. Zirə İdman Kompleksinin stadionu İlk üç dövrə – 3:0, 3:0, 0:0
mənbə :
Report.az