[r32]

22 Mart, 2018  11:55 xeber – Göygöl rayonunda oğurluqla məşğul olan dəstə üzvləri zərərsizləşdirilib. 
Daxili İşlər Nazirliyinin Mətbuat xidmətinin Gəncə Regional qrupundan “Report”un Qərb bürosuna verilən məlumatına görə, rayonun Köşkü kənd sakini, Məmmədov Qismət Əhəd oğluna məxsus “VAZ-2121” markalı avtomobili və rayonun Yeni Qızılca kənd ərazisində vətəndaşa məxsus fermadan 55 baş xırda buynuzlu heyvanları, həmçinin Hacıməlik kəndində 2 baş 600 manat dəyərində buzovları oğurlayan dəstə üzvləri saxlanılıb.
Belə ki, Göygöl rayon Polis Şöbəsinin əməkdaşları tərəfindən aparılan əməliyyat axtarış tədbirləri nəticəsində hər 3 oğurluq faktında iştirak edən şəxslər – Cəfərov Malik Muzadil oğlu və Oruclu Hüseyn Gürzalı oğlu tutulub. İstintaq zamanı məlum olub ki, oğurladıqları heyvanları satmaqda onlara köməklik edən şəxs isə Bayraməliyev Rafiq Tofiq oğlu olub.
Faktlarla bağlı cinayət işi başlanılıb, araşdırma aparılır.

mənbə :
Report.az