Nəqliyyat vasitəsinin sahibi alıcını dəqiq araşdırmalıdır.

Kreditdə olan avtomobili etibarnamə ilə satarkən diqqətli olun! Avtomobili alan şəxs əgər krediti vaxtında ödəməzsə, maşının əsas sahibi banklarda qara siyahıya düşür. Sadə dildə desək o, banklar üçün arzuolunmaz müştəri olur.

Kreditdə olan avtomobili etibarnamə ilə satan şəxs bankların qara siyahısına düşüb.

Əslində Cabbar Şükürovun başına gələn hadisə ilk deyil. Bu hallar banklarda böyük problemə çevrilib. Kreditdə olan avtomobilləri etibarnamə ilə alan şəxslər ödəniş etmədikdə, avtomobilin əsas sahibinin kredit tarixçəsi korlanır. Bəzən etibarnamə ilə maşını alanlar düşünür ki, “onsuz da avtomobil onun adına deyil, gecikmə əsas sahibinin adına yazılır”.

Ekspertlərin sözlərinə görə belə halların baş verməməsi üçün avtomobil sahibi alıcını dəqiq araşdırmalıdır.

Ekspertin dediyi kimi müştəri aylıq gəlirini göstərib avtomobili aldıqdan sonra da ödəniş etmirsə maşının əsas sahibi etibarnaməni ləğv edib avtomobili banka təhvil verə bilər. Bundan başqa kredit tarixçəsinin pozulmasında rolu olan, yəni avtomobili etibarnamə ilə alan şəxsi məhkəməyə verib dəymiş ziyanı onadan alada bilər.

Qəsdən bu addımı atan şəxslər, digər vətəndaşın hüquqlarını pozduqlarına görə məsuliyyətə də cəlb oluna bilərlər. Kredit ödənilmədikdə, bank avtomobili satışa çıxarır. Məsələn avtomobilin qiyməti 6 min, borc 8 min manatdırsa, bu zaman qalan məbləği banka avtomobili son alan şəxs ödəyir.

xəzərxəbər