[r32]
“Lider TV”nin yayımı bərpa olunub. “Report” xəbər verir ki, martın 10-da saat 22:01-də “Gecənin sehri” verilişi başlayandan sonra efiri yarıda kəsilən kanalda yayımlar davam edir.

Xatırladaq ki, Milli Televiziya və Radio Şurasının (MTRŞ) Aparat rəhbəri Asəf Hacıyev “Report”a açıqlamasında yayımın dayanmasına səbəb kimi daxili texniki problemlərin olduğunu bildirib.

Qeyd edək ki, “Lider TV” 2000-ci ildən fəaliyyət göstərir.

***

Milli Televiziya və Radio Şurası (MTRŞ) “Lider” televiziya kanalının yayımının dayandırılmasına münasibər bildirib.

MTRŞ-nin Aparat rəhbəri Asəf Hacıyev “Report”a açıqlamasında bildirib ki, televiziya daxili texniki problemlər səbəbindən yayımını dayandırıb:

“Biz dünən axşam və bu gün səhər də “Lider” televiziyası ilə əlaqə saxlamışıq. Problemin nə oluğunu öyrənmişik. Televiziya dünən axşamdan indiyə qədər texniki nasazlıq səbəbindən yayımını dayandırıb. Texniki problemlər aradan qaldırılandan sonra televiziya yayımını davam etdirəcək”.

* * *

Azərbaycanda “Lider” telekanalının yayımı dayandırılıb.

“AzPolitika” xəbər verir ki, telekanal fəaliyyətini dayandırıb. Məsələ ilə bağlı təfərrüatlar hələlik bəlli deyil.

Saat 22:01-də “Gecənin sehri” adlı veriliş başlayarkən telekanalın efiri yarımçıq kəsilib.

Qeyd edək ki, uzun müddətdir telekanalda ciddi maliyyə problemləri yaşanırdı.

Xatırladaq ki, “Lider” telekanalı 2000-ci ildən fəaliyyət göstərirdi. Kanalın rəhbəri Ədalət Əliyevdir.