[r32]
Azərbaycanlı mühacir Rəfail Priyev Fransada saxlanılıb.

“Report”un Avropa bürosu xəbər verir ki, bir neçə il əvvəl Azərbaycandan Almaniyaya gedərək bu ölkədən sığınacaq istəyən R.Priyevin barəsində Berlin Əyalət Məhkəməsinin qərarı ilə deportasiya qərarı çıxarılıb.

Almaniya Miqrasiya və Qaçqınlar üzrə Federal İdarəsinin (BAMF) əməkdaşları ötən gün deportasiya qərarının icrası üçün polis əməkdaşları ilə birgə R.Priyevin Berlində yaşadığı evə getsələr də, sonuncunun Fransaya qaçdığı məlum olub.

Azərbaycan vətəndaşı Almaniya Federal Daxili İşlər Nazirliyinin təqdimatı ilə Fransada bir qaçqın düşərgəsində saxlanılıb.

Onun yaxın günlərdə barəsində olan deportasiya qərarının icrası üçün Almaniyaya göndərilməsi gözlənilir.

“AzPolitika.info” xatırladır ki, R.Piriyev Avropadakı “söyüş müxalifətinin” ən aktiv üzvlərindən biridir. Youtube kanalında onun ən əxlaqsız söyüşlərlə dolu yüzlərlə videosu yerləşdirilib.