[r32]
Bakı Olimpiya Stadionunda keçirilən “Çelsi” – “Arsenal” final qarşılaşması başa çatıb.Bakıda qitənin ikinci dərəcəli klub turnirində 2018-2019 mövsümünün çempionu “Çelsi” olub. Rus milyarder Abramoviçin klubu final qarşılaşmasından 4-1 qalib ayrılmağı bacarıb.

“Çelsi”yə çempionluq gətirən qolları qarşılaşmanın 49-cu dəqiqəsində Oliviye Jiru, 60-cı dəqiqəsində Pedro və 65-də penaltidən olmaqla 72-ci dəqiqələrdə Hazard vurub.

“Arsenal” isə 69-cu dəqiqədə buraxılan qollardan birinin əvəzini çıxmağı bacarıb. Belə ki, İvobi komandası adına yeganə qola imza atıb.

Beləliklə, “Çelsi” ikinci dəfə UEFA Avropa Liqasının qalibi olub. Turnirdə ilk qələbə sevincini komanda 2012-2013 mövsümündə Amsterdam finalında yaşayıb.
p>