[r32]
Şəmkir rayon İcra Hakimiyyətinin sabiq başçısı Aslan Aslanov vəfat edib.

Şəmkirdəki mənbələrdən “AzPolitika.info”ya daxil olan məlumata görə, sabiq başçı dünen gecə vəfat edib, hazırda Şəmkirdə dəfninə hazırlıq gedir. “Bir saata nəəşi Şəmkirə gətiriləcək”.

A.Aslanovun uzun müddətdir xərçəng xəstəliyindən əziyyət çəkdiyi bildirilirdi.

A.Aslanov uzun illər Şəmkirin icra başçısı, daha sonra kənd təsərrüfatı nazirinin müavini, Dövlət Baytarlıq Xidmətinin rəisi vəzifəsində çalışıb.

YAP Siyasi Şurasının üzvü idi.

****
Aslan Aslanov harada dəfn olunacaq? – İH-dan açıqlama

İcra Hakimiyyətindən reporta verilən məlumata görə, o, uzun müddətdir xərçəng xəstəliyindən əziyyət çəkirdi.

Sabiq başçının meyiti Bakı şəhərindən doğulduğu Şəmkir rayonunun Əliyaqublu kəndinə gətirilir və həmin kəndin qəbiristanlığında dəfn ediləcək.

Qeyd edək ki, A.Aslanov 1961-ci ildə Şəmkir rayonunun Əliyaqublu kəndində anadan olub. O, 1993-cü ildən 2005-ci ilə qədər Şəmkir rayon İcra Hakimiyyətinin başçısı olub. Daha sonra 8 il kənd təsərrüfatı nazirinin müavini işləyib. Yeni Azərbaycan Partiyasının Siyasi Şurasının üzvü, biologiya elmləri namizədi, Beynəlxalq Ekologiya Akademiyasının həqiqi üzvü, Gürcüstan Yazıçılar İttifaqının fəxri üzvü və Tbilisinin fəxri vətəndaşı olub.

Allah rəhmət eləsin!